Iginala ang naalikabukang mata.Tanaw
lang ang maangas na dambuhalang
SM Hypermarket. Patuloy
na gumapang ang mga buldoser
at trak sa malawak na bukirin. Pinipi
ang mga dayami. Binura
ang mga pilapil na gumuguhit
sa matagal na pananakahan. Pumagaspas
ang mga bandera’t banderitas. Nanukso
ang awit na tumatagos sa tangos
ng kamusmusan. Ininggit
ang mga palaboy ng batang babae
na prenteng nakahilata sa
malambot na sofa. Mayabang
na sabi “Ganito na kami ngayon.”

Bahaw ang tunog ng batingaw sa simboryo. Malapit
na ang buwan ng Mayo. Kapistahan
ng Patrong San Isidro.

Emanzky88
1 Hulyo 2010

© 2010 Kwentulang Marino
****
imahe mula kay sir herbe/flickr.com