Enero 2011



Kuya… sa aming pong barangay
may batang apat na taon gulang
ang namatay. Tubig sa katawan
ay hinigop ng tag-araw. Bunsong
kapatid ang sumunod
na inagaw. Tumirik
ang walang kulay na bilugang
mata. Kumiwal na palabas
ang ilang maputlang bulate
sa bibig, ilong at tainga. Panganay
sa lahat ay nasa mababang paaralan
ikatlong grado. Tanong ng titser
na galing sa mula. Kung bakit
lagi siyang tulala. Sagot
ng batang namumutla.

“Lagi pong nalilipasan ng
pagkain ang humpak na sikmura.”

Inabala ang malungkot na kuwento. Balita
ay bumulaga sa telebisyon segundamano.

“Dumalaw sa may sampung manggagawang pumanaw. Sa Eton
Condominium ay sumalalak ang mga buhay. Masiglang
bumaba sa bagong bullet proof na
Lexus
ang bagong pangulo.”

Emanzky88
28 Enero 2011

© 2011 Kwentulang Marino
***
imahe mula sa google

Advertisements

(Paano Bigkasin Ng Karaniwang Pinoy Ang Laruan Ni Noy?)

Itataas ba ang kanang kamay na tila si Hitler?

Poorzeeiii?!
Poorzwaaah?!
Poorzaleee?!
Poorzhiiit?!

Sa pagbigkas pa lang ay pilipit
na itong dila. Tiyak ito’y
mamahalin.
Banyagang salita sa mga tulad nating
maralita.

Mahirap bigkasin
sa tulad nating vendor na inutal ng lansangan.
Mahirap intindihin
sa tulad nating hinilo ng traysikel, dyipni, bus
LRT at MRT.
Mahirap isaulo
sa tulad nating binabayo ng mga tumaas na presyo.
Mahirap sikmurain
sa tulad nating walang mailagay sa sikmura.
Mahirap maglaway
sa tulad nating natuyuan ng laway.
Mahirap tanggapin
sa tulad nating tumanggap sa pangako ng pagbabago.
Mahirap unawain
sa tulad nating kulang sa pang-unawa
sa katwiran ng asendero.

Mapanganib ang tumawid
sa matuwid na daan.
Pwede kang masagasaan
nang humahagibis na
marangyang sasakyan.

Emanzky88
15 Enero 2011

© 2011 Kwentulang Marino
***imahe mula sa official website ng Porsche

Tumaas ang singil sa SLEX/NLEX. Itataas
ang singil sa MRT/LRT. Tumaas
ang singil sa tubig kuryente. Itataas
ang presyo ng tinapay. Tumaas
ang presyo ng bigas isda karne gulay
mantika asukal sardinas. Itataas
ang presyo ng LPG diesel gasolina.

May food riot sa Algeria!

Emanzky88
11 Enero 2011

© 2011 Kwentulang Marino
**imahe mula sa Google

Malamlam ang liwanag ng
buwan,
sa siyudad ng
Algiers.

Pinasasaya na lamang ang
kaitaasan,
nang mapanlinlang na mga
bituin,
isinabog sa binaog na mahabang
kabundukan.

Ikinukubli ang tunggalian umiiral
na mga nakausling
pangil,
nang panganib at
takot.

Pilit ibinabalik ang lambong ng
kahapon,
iginigiit, doktrinang salik sa papel
na kuwadrado.
Nakapupuwing na gaya ng
buhangin sa disyerto.

Umaalingawgaw
ang mga putok,
mula sa nguso ng
karahasan.

Nangingibabaw
ang mga panaghoy,
kinimkim na himutok.
Mga kaluluwang binistay
nang kawalang katwiran.

Sino nga bang dapat maghawak ng
tingarong-espada?
Dulo ay nakaturo sa tahanan
ni Allah!

Dinggin mo!
El Djezair
ng aking kamusmusan.
Tagulaylay
nang katotohanan ay may nais
wakasan.
Aninong tanikala
na nag-uugnay sa toreng-bakal
ng kanluran.

Malamlam ang liwanag ng
buwan,
sa siyudad ng
Algiers.

Pinapupula
na lamang ang kaitaasan,
nang mga tilamsik ng
dugong pumupusyaw.
Malayang tinig ay kanilang
ninakaw.

Malamlam ang liwanag ng
buwan,
sa siyudad ng
Algiers.

Hindi pa ganap na
sumisilip,
sa mga nagluluksang
ulap
ang ninanasang
kislap
ng
kapayapaan.

Ed Nelson R. Labao
M/V Akra Sounion
Baybay-dagat
El Djezair (Algiers), Algeria
26 Agosto 1998

(c) 2011 Kwentulang Marino

***unang tinula sa pantalan ng Algeria (1998) sa barkong M/V Akra Sounion saksi ang ibang tripulante sa katabing barko. Nalathala sa antolohiyang “IPUIPO SA PIGING (2010)”

**imahe mula sa google

The stats helper monkeys at WordPress.com mulled over how this blog did in 2010, and here’s a high level summary of its overall blog health:

Healthy blog!

The Blog-Health-o-Meter™ reads Wow.

Crunchy numbers

Featured image

The average container ship can carry about 4,500 containers. This blog was viewed about 18,000 times in 2010. If each view were a shipping container, your blog would have filled about 4 fully loaded ships.

In 2010, there were 37 new posts, growing the total archive of this blog to 129 posts. There were 65 pictures uploaded, taking up a total of 21mb. That’s about 1 pictures per week.

The busiest day of the year was July 1st with 282 views. The most popular post that day was Ang Mga Nagkukunwang Avatar.

Where did they come from?

The top referring sites in 2010 were facebook.com, tl.wordpress.com, search.conduit.com, ofwabroad.com, and cardinalbitchspecials.wordpress.com.

Some visitors came searching, mostly for the last airbender, avatar the last airbender, avatar, avatar last airbender, and avatar airbender.

Attractions in 2010

These are the posts and pages that got the most views in 2010.

1

Ang Mga Nagkukunwang Avatar January 2010
4 comments

2

Buhay Marino At Iba Pang Kwento-#1 April 2009
5 comments

3

Eleksyong 2010: Satur Ocampo Para Presidente? November 2009
10 comments

4

Imoral ang mga Banal October 2010
2 comments

5

Buhay Marino At Iba Pang Kwento-#2 April 2009
2 comments