Maawa na kayo sa batang pobre
limusan itong pulang sobre.
Puwede ninyong lagyan
kahit na piso.
Puwede din naman
kahit na ‘sanlibo.
Ipadadala na lang
ang resibo.
Manggagaling pa ito
kay Noynoy Aquino.
Para na mama!
diyan lang sa ilalim
ng flyover.
Sa gabi, diyan kami
lumililim.
Kapitbahay lang namin
si Jollibee.
Ngiti ang pumapawi
sa kumukulog na sikmura.
Dalamhati ay matutulog
na habol ng alimura.
Basilan
patintero ay
kaguluhan.
Kamusmusan
ay aking
tinakasan.
Emanzky88
22 Disyembre 2010
© 2010 Kwentulang Marino
***
pasasalamat sa imahe aladyardis.multiply.com/imahe sa Google
Disyembre 30, 2010 at 5:26 hapon
pers taym kong makabasa ng sulatin ni Vladimir Mayakovsky, tanyag na makatang Ruso.Sabi niya,mahalaga na bawat sabihin,marinig, makita ay itala sa isang notebook. Makakatulong ito sa paglikha mo ng tula. Ganunpaman, matagal ko na itong ginagawa.
Naalala ko si Mayakovsky dahil sa isang batang badjao ang sumakay sa jeep. Hindi nasayang ang malutong na beynte pesos na bigay ko bilang ispiritu ng kapaskuhan.Higit pa doon ang kapalit…meron akong narinig, nakita at nadama para magawa ang tulang ito.
Pebrero 21, 2022 at 4:29 umaga
Maaari po bang malaman ang full name at bionote ng author ng tula na ito?