Nawindang ang
Itim na Nazareno
Dinaklot ng
Puta
ang harapang bahagi.
Walang naghumindig na burat.
Dinaklot ng
Mandurukot
ang tagilirang bahagi.
Walang tumunog na celfon.
Dinaklot ng
Adik
ang kabilang bahagi.
Walang umusok na bato.
Dinaklot ng
Batang-lansangan
ang likurang bahagi.
Walang nasinghot na pandikit.
Dinaklot ng
Manyak
ang puwitang bahagi.
Walang umiyak na manyika.
Hinimod ng
Aborsiyonista
ang duguang kanang kamay.
Walang nalasahang pait.
Hinimod ng
Tisiko
ang duguang kaliwang kamay.
Walang nalasahang reseta.
Hinimod ng
Bilanggo
ang duguang kanang kamay.
Walang nalasahang paglaya.
Hinimod ng
Magbubukid
ang duguang kaliwang paa.
Walang nalasahang titulo.
Hinimod ng
Manggagawa
ang duguang kanang paa.
Walang nalasahang panibagong kontrata.
Tinitigan ng mga
taga Iligan
ang maamong kaliwang mata.
Putik ang iniluha.
Tinitigan ng mga
taga Compostela Valley
ang maamong kanang mata.
Pumusyaw ang kumislap na ginto.
Nahibang ang tatlong milyon
Deboto.
Hindi sinagilahan ng takot sa bantang
Terorismo.
Alin na lang
lagariin ang Krusipiho
gupitin ang kulot na buhok
tagpasin ang pekeng ulo
roba ay gawing panyolito.
Kesehodang tawagin
mga buwang
na Panatiko.
Emanzky88
10 Enero 2012
© 2012 Kwentulang Marino
*imahe mula sa Abante Tonite
Enero 10, 2012 at 6:32 hapon
Dios po ba ang Itim na Nazareno?
Enero 11, 2012 at 2:46 hapon
[…] Kaming mga Naghahangad ng Kapangyarihan sa Itim na Nazareno […]
Enero 12, 2012 at 2:32 umaga
bangis ng tula..
Enero 19, 2012 at 2:12 hapon
foobarph segun kung ano ang paniniwala mo 🙂 @ cocoy salamat sa pagbisita 🙂
Pebrero 2, 2012 at 3:13 umaga
Paano na kung ang aking paniniwala ay walang dungis kahit sabi mo ay mali ang sumamba sa hindi tama?
Paano na kung ang paniniwalaan ko’y iyon ang iminulat sa akin? Paano na?
Hulyo 16, 2017 at 12:48 umaga
Maaari po bang malaman ang tunay niyong pangalan?