May kirot sa aking puso
habang binabagtas ko
ang iyong payapang dagat.
aninag ang mga bundok
sa liwanag ng buwan.
ang kulay-pilak na tubig
sa barko ay sumasabay.
maging ang lagaslas ng
mumunting alon
ay pumapawi sa pagal kong
isipan.Sa kailaliman nito’y
naroon pa rin
ang lungkot,
poot at paghihimagsik!
sa aking dibdib ay
nararamdaman.Habang nagsasaya ang mga
turista sa saliw
ng indak at musika
doon sa isla ng
Bali.
May minamasaker naman
sa sementeryo ng
Dili.
Dinig ‘kong panaghoy ng mga
kaluluwang nagnanais lumaya sa
limbo ng kolonyalismo
at ngayon sa tiranong si
Suharto.Naglalakbay sila sa bukid
at parang.
lumalagos sa kabundukan, lalim ng
karagatan,
syudad,iskwater at iskwelahan
hanggang sa pusod ng
Jakarta
ay mararamdaman
ang rumaragasang
kasaysayan.May kirot sa aking puso
habang binabagtas ko
ang iyong payapang dagat.
aninag ang mga bundok
sa liwanag ng buwan.
ang kulay pilak na tubig
sa barko ay sumasabay.
maging ang lagaslas ng
mumunting alon
ay pumapawi sa pagal kong
isipan.Sa kailaliman nito’y
naroon pa rin
ang bulkang,
nagbabadyang sumabog!
sa aking dibdib ay
nararamdaman.Emanzky88
M/V Clipperventure-L
Port Said, Egypt
19 December 1996(c) 2008 Kwentulang Marino
*Nalathala ng dalawang beses sa PAROLA, seaman’s journal na nakabase sa Netherlands. Sept.-Oct.1999 at pang 100 isyu. Nalikha ang tula, hindi pa napapatalsik si Suharto at di pa lumalaya ang East Timor sa kontrol ng Indonesya. Kabilang
sa antolohiyang ANI 35 (2009) ng Cultural Center of the Phils.
Disyembre 13, 2008 at 2:09 hapon
ikaw ang gumawa ng tulang ito? nakakainggit naman ang iyong paraan ng pasayawin ang ating wika sa pamamagitan ng ganitong tula 😀
Disyembre 14, 2008 at 4:05 umaga
yap!lahat ng naka-post sa KWENTULANG MARINO(TULANG BYAHE).
Salamat sa pagdaan!
Agosto 18, 2015 at 11:01 umaga
SINO AUTHOR?!?!??!
Agosto 27, 2015 at 12:17 hapon
Ang lahat ng tula at mga nakapaskil sa kwentulang marino ay sarili pi akda ng Kaentulang Marino 🙂
Agosto 27, 2015 at 12:21 hapon
Ang lahat po ay orihinal na akda ng Kwentulang Marino 🙂
Pebrero 29, 2016 at 2:23 umaga
kudos, ka ed! sa aba kong palagay, maaaring bawasan ang ANG upang maging higit na madulas.
Marso 2, 2016 at 8:46 umaga
Maraming salamat po sa patuloy nyong pagsasalin ng kaalaman bilang mabuting alagad ng literatura