Ang maleta ni Mary Jane
may destinasyong- Dubai
gaya ng karaniwang OFW
may samut-saring laman
kahirapan
kamangmangan
kabiguan
hiwalayan
pangarap
pangamba
pangako
lakas ng loob
baka-sakali
kesa mamatay ng dilat
pagpuslit
pagtakas
Ang maleta ni Mary Jane
may samut-saring laman
gutom
pagod
puyat
mababang pasahod
alienasyon
diskriminasyon
maltrato
molestiya
pangungulila
pandarahas
Ang maleta ni Mary Jane
may destinasyong- Kuala Lumpur
gaya ng karaniwang OFW
may samut-saring laman
kahirapan
kamangmangan
kabiguan
hiwalayan
pangarap
pangamba
pangako
lakas ng loob
baka-sakali
kesa mamatay ng dilat
pagpuslit
pagtakas
Ang maleta ni Mary Jane
may destinasyong- Yogyakarta
bago
bagung-bago
sa biglang tingin ay walang laman
walang kalaman-laman
subalit may bigat
linlang
silaw
sindikato
takot
pulbos ng pantasya
akusa
trahedya
abandona
inhustisya
nagkumahog sa hatol
hugas-kamay
panangis
pagtanggi
paglaban
pagtanggap
Ang maleta ni Mary Jane
ay walang laman
walang kalaman-laman
kung hindi isang pagsamong
HABILIN
“Sa aking pagbitay
Iuwi ang aking bangkay.”
Emanzky88
25 Abril 2015
© 2015 Kwentulang Marino
*Mary Jane Fiesta Veloso ay isang OFW biktima ng “human at drug trafficking” tubong Cabanatuan, Nueva Ecija. Nuong 2010, natagpuan sa kanyang maleta ang tinatayang 2.6 kilo ng ‘heroin’ na ibinigay ng kanyang ‘kinakapatid’ para dalhin sa Indonesia. Nahatulan siyang ‘firing squad’ na nakatakdang araw ng 28 Abril 2015. Bilang pagpupugay kay Mary Jane Fiesta Veloso at sa mga kapatid na OFW ang tulang ito.
Abril 27, 2015 at 2:30 hapon
Ilan pang kapatid na OFW ang magbubuwis ng buhay?
Mayo 1, 2015 at 4:54 umaga
Nabinbin man ang pagbitay ni Mary Jane nakaraang miyerkules ng madaling-araw ay hindi nangangahulugang dahil sa effort ng palasyo o gobyerno. Ito ay dahil sa puspusang protesta ng mamamayan at makabayang samahan sa loob at labas ng bansa, malaking factor din ang kusang pagsulpot ng suspek na si Cristina Sergio. Muling ibinalik si Mary Jane sa piitan sa Yogyakarta para palalimin pa ang pag-imbestiga sa nasabing suspek.