Disyembre 2012

Monthly Archive

Disyembre 16, 2012

MARUNONG DIN PA LANG LUMUHA SI OBAMA

Posted by emanzky88 under TULANG BYAHE | Mga kataga: , , , , , , |
1 Puna 

abc_obama_tears_tk_121214_wmain
MARUNONG DIN PA LANG LUMUHA SI OBAMA

Pilit na ikinahig ang daliri
sa sulok ng matang nangingilid
habang tinig ay nanginginig
sa panimdim na kimkim
sa Connecticut ay umulan
ng takot at dahas
panawagan ng pagluluksa
sa dalawampung paslit
na halakhak ang nalagas

sinong batong-puso ang hindi mababagbag?
kahanga-hanga sa kanyang pahayag

kailan naman kaya siya luluha?

sa mga musmos na binomba
sa Gaza
sa Libya
sa Iraq
sa Pakistan
sa Afghanistan

higit pa sa dalawampung inosente
na minasaker ang pangarap

armas

na tila ka lang bumili
sa isang burger outlet
sa kanyang bayan

ay katumbas
na alok

na giyerang kalakal.

Emanzky88
16 Disyembre 2012

©2012 Kwentulang Marino
imahen mula sa news.yahoo.com-

 

Disyembre 11, 2012

Habag

Posted by emanzky88 under TULANG BYAHE | Mga kataga: , , , , |
Mag-iwan ng Puna 

pacman ricoa big
Mga buhay ay bumalalak
sa mga bato at troso
sa dagok ni Pablo
delubyo’y walang sinanto.
Kaunti man lang habag
amutan ang bayan ko.
Hindi maialis ang selos
sa sumubsob na boksingero.
Puwitan ay tumuwad
inilantad ang tatak na Ricoa
sa mundo’y na anunsyo.
Pinakyaw ang atensyon
sa lugmok na bagabag
sa lona’y mamiligro.
Buong baya’y nagluksa
sa kanyang pagkatalo.

Emanzky88
11 Disyembre 2012

© 2012 Kwentulang Marino
* imahen mula sa Yahoo.com