Kwentulang Marino

Salve, Regina, Mater misericordiae,
vita, dulcedo, et spes nostra, salve.
– Salve Regina

Umuusal ka ba ng
dalangin?
Habang sumasalakay
ang naghuhumindig na
libog.

Umuusal ka ba ng
dalangin?
Sa apat mong
anak
na tinangay ng mga
anghel.

Umuusal ka ba ng
dalangin?
Na may
galunggong
na lumagpak
sa mga piping
plastik
na pinggan.

Umuusal ka ba ng
dalangin?
Na may ipadalang
gatas
ang mga banal
na kardinal
para sa pang
labing-tatlong
anak mong
iluluwal.

Emanzky88
28 Mayo 2011

(c) 2011 Kwentulang Marino
imahe mula sa flickr

 

Tuldukan
ang kahirapan……….
mayabang na
utos
ng
pangulo.

…………………habang

Gatuldok
ang mayaman……….
naghaharing angkan
sa aming
bayan…………………..
……………………………
……………………………

Emanzky88
23 Mayo 2011

(c) 2011 Kwentulang Marino
*imahe mula sa google

“IMF Chief Dominique Strauss-Kahn Charged With Rape,
Sexual Abuse, Unlawful Imprisonment”
– abc NEWS

Mula sa
tubo
hanggang sa
laman.

Emanzky88
19 Mayo 2011

(c) 2011 Kwentulang Marino
*imahe mula sa google

Akala ko’y manggagawa’t lider
lang ang iyong
pinapaslang.

Mag(g)ing noodles
mo’y
nakamamatay.
Pulbos
na tinunaw
sa isang
kalderong
tubo
na umaapaw.

Emanzky88
6 Mayo 2011

(c) 2011 Kwentulang Marino
*imahe mula sa flickr.com

Ang Piging

Binusog ng monarkiya
nang sunud-sunod na anunsyo
ang mga ngumangawang
manggagawa
sa bawat panig ng mundo.

Ditalyado.

Sakop na kanilang
pinagharian.
Kung paano nagayuma
nabuo ang romansa.
Inimbitang yaya.
Sabay na mga padyak
ng kabayo.
Banayad na biyahe
mula Goring Hotel
hanggang Westminster Abbey.
Paunti-unting bilang
sa hapag kainan.
Nakabibinging
kalansing ng pilak
na kubyertos.
Tanyag na obra
ang kanilang hinimagas.

Ininggit ang mga
commoner
sa halik ni Kate at Prince William
sa balkonahe ng Buckingham Palace.

Ang Milagro

Mananalig nga ba ang mga
proletaryo
sa milagro ni
Papa Juan Pablo II

Sana hipuin niya

ang mga naulyaning
amo.

ang mga pinaglamunan
ng hari at reyna.

ang mga kinayod na
kaldero.

maging alak
ang mga pawis na tumagaktak.

maging sensilyo
ang mga kinalawang na turnilyo.

maging pabrika
ang mga palasyo.

Ang Sukli

Nagpupuyos ang
tunggalian
ng makina at kapital.
Patuloy
na tinatapakan
ang kanyang uri.
Nakakangawit
na maghintay
sa awit ng kababalaghan.
Ipinamumukhang
sukli
ay dapat nang tumbasan.

Emanzky88
1 Mayo 2011
6:30 n.g

(c) 2011 Kwentulang Marino
* imahe mula sa bulatlat.com