Ang Monumento sa Tapat ng 7-Eleven
(Sa Ika-150 Guning Kapanganakan ni Dr. Mariano Ponce)
Ipinagtanong ko ang rebultong-
nakatayong lalake na may hawak
na baston, masid
ang aligagang kabayanan
sa kahero
mabilis na sagot
may bagong flavor po kami ng Slurpee
sa mga tambay na lalaking estudyante
mabilis na sagot
punta tayo ng SM mall
sa mga tambay na babaing estudyante
mabilis na sagot
lipat tayo sa Mcdo
sa tindera ng pantalon
mabilis na sagot
matumal po ang benta
sa vendor ng sigarilyo
mabilis na sagot
mahirap ang Fortune lights
sa mga tambay na traysikel drayber
mabilis na sagot
matumal po ang pasada
sa tindahan ng celfon
mabilis na sagot
ano pong network?
Tila hangal kong inulit-ulit
ang mga katagang
Naning
Kalipulako
Tikbalang
La Solidaridad
El Renacimiento
Propagandista
Polklorista
Diplomata
Bayani
Mananalaysay
Anak ng Baliwag
Foklore Bulakeno
Pandapira
Efemerides Filipinas
Cartas Sobre la Revolucion
Rizal
Del Pilar
Sun Yat-sen
Okiyo Udagawa
ang lahat ay napatunganga
sa monumentong hindi tiningala.
Emanzky88
22 Marso 2013
*imahen mula sa Google
Kwentulang Marino 