Pebrero 2015


2015-02-22 16.15.43

HIWAGA NG SAKURA
Kay Atsuko Yamagata

Mailap ang ngiti na may hinhin
makinis na kutis na kasing pino ng niyebe
buhok ay masinop na ipinusod
umayon ang kilos sa suot na kimono

Sa gunita ay gumuhit
ang barkong dumaong sa siyudad ng Kobe
nangarap na makainom ng sake
humigop nang mainit na sabaw ng ramen
makabili ng obra ni Ryunosuke Akutagawa
tuklasin ang misteryo ng geisha
umibig sa isang Haponesa

Humuni ang kulintang at tambol ni Edru
umindak ang mga hubad na paa
pumilantik ang mga matulis na daliri
umindayog ang mga kurbadang balakang
nagapi ang tagulaylay ng hinagpis
pagmamalaking ang dating magkaaway
ngayon ay isinisigaw
magkaibigan!
dalawang nakayapak na alagad ng sining
puso’t isip ay inihandog
sa entablado’y nagsalimbayan
kumumpas ang maingat na haplos ng pintura
iginuhit ang kulay tsokolate’t itim
nalikha’y mga maselang sanga
namulaklak ang parihabang kambas
ng namumulang Sakura.

Emanzky88
22 Pebrero 2015
10:00 n.g

© 2015 Kwentulang Marino

* Atsuko Yamagata ay isang haponesang “visual artist” na may diin sa kababaihan, histolohiya at kosmos. Nuong 2012 nagsimulang manirahan sa Pilipinas. Itinanghal ang kanyang likhang-sining na may temang “Fragmented Histology” sa pakikipagtulungan ng National Commission for Culture and the Arts (NCCA) bilang bahagi ng “Buwan ng Sining”. Imahen ay mula sa “livepainting” ni Atsuko Yamagata at Marie Ikura.

Advertisements

320_2015_01_30_12_55_53 saf44

Sundalo ng estado
Iniumang sa kaaway
Bayaning itinuring

Emanzky88
2 Pebrero 2015

2015 Kwentulang Marino

imahen mula sa http://www.gmanetwork.com